बारामा नन्दलाल राउत कुर्मीको हत्या आरोपमा ४ जना पक्राउ
१३ कात्तिक, बारा । बारामा नन्दलाल राउत कुर्मीको हत्याको मुख्य योजनाकारसहितका ४ जना पक्राउ पररेका छन् । कलैया उपमहानगरपालिका २३ कोइरियाटोलका ६५ वर्षका कुर्मीको हत्याको मुख्य योजनाकार रहेको आरोपमा प्रहरीले स्थानीय ४५ वर्षका वीरेन्द्र पटेल भन्ने वीरेन्द्रलालप्रसाद जैसवाल, र ५५ वर्षका जोधा भन्ने रामअयोध्या दास तत्मालाई पक्राउ गरेको हो ।
उक्त घटनामा सहयोगीको भूमिकामा रहेको आरोपमा १९ वर्षका विशाल पटेल र ६५ वर्षका बैजनाथ राउत कुर्मी पक्राउ परेकाे प्रहरी नायब उपरीक्षक रञ्जित सिंह राठौरले जानकारी दिए । गत कात्तिक १० गते बेलुका ८ बजे नन्दलालको घर नजिकै घाँटी रेटेर हत्या भएको थियो ।
पक्राउ परेका सबैलाई ज्यानसम्बन्धी मुद्दामा अनुसन्धानका लागि प्रहरीले अदालतबाट म्याद थप गरिसकेको छ । जग्गाजमिन प्रशस्त्र रहेको र छोराछोरी पनि नरहेकाले नन्दलालको हत्या पैसाका लागि भएको हुन सक्ने प्रहरीको अनुमान छ ।
प्रकाशित मिति : १३ कार्तिक २०७५, मंगलवार १७:३५
