बाराका ६५ वर्षीय नन्दलाल राउत कुर्मीको घाँटी रेटी हत्या, सम्पत्तिका लागि हत्या भएकाे अाशंका
११ कात्तिक, वीरगञ्ज । बाराका ६५ वर्षीय नन्दलाल राउतकाे घाँटी रेटेर हत्या भएकाे छ । कलैया उपमहानगरपालिका–२३, कोइरिया टोलका कुर्मीको सम्पतिका लागि हत्या भएकाे हुन सक्ने अनुमान गरीएकाे प्रहरीले बताएकाे छ । कुर्मीकोे आँपको बगैंचामा शव फेला परेकाे जिल्ला प्रहरी कार्यालय बाराका प्रवक्ता प्रहरी नायब उपरीक्षक रञ्जित सिंह राठौरले जानकारी दिएका छन् ।
प्रहरी नायब उपरीक्षक राठौरका अनुसार, हत्या कसले र किन ग¥यो भन्ने बारेमा अनुसन्धान भइरहेको छ । धारिलो हतियार प्रयोग गरेर हत्या भएको देखिए पनि वरपर हतियार नभेटिएकाे उपरीक्षक राठौरले बताए ।
झण्डै ७ विगाहा जमिन र ट्याक्टरसमेत रहेकाले सम्पत्तिका लागि कुर्मीको हत्या भएको हुनसक्ने अनुमान गरिए पनि प्रहरीले थप अनुसन्धानपछि मात्रै यसबारे बताउन सकिने जानकारी दिएकाे छ । कुर्मीको शव पोष्टमार्टमका लागि कलैया अस्पतालमा राखिएको बारा प्रहरीले जनाएको छ ।
प्रकाशित मिति : ११ कार्तिक २०७५, आईतवार ११:२६
