ठमेलमा मान्छे कुटेर भागेका नुवाकोटका तीनसहित छ युवा पक्राउ

२ साउन, काठमाडाैँ । केही दिनअघि काठमाडाैँको ठमेलमा मान्छे कुटेर भागेका ६ जना युवाहरू थानकोटबाट पक्राउ परेका छन । असार १५ राति ओमनिया क्लबका सञ्चालक राजेन्द्र गुरुङ तथा सुरक्षामा खटिएका कर्मचारीहरु माथि कुटपिट गरि फरार रहेका नुवाकोटका ३ सहित ६ युवा पक्राउ परेका हुन ।

प्रहरीका अनुसार पक्राउ पर्नेहरूमा नुवाकोट ककनी ५ घर भइ हाल गोंगबु बस्ने वर्ष ३३ का युवराज गुरूङ, सोही ठाउँका वर्ष ३५ का निरज गुरूङ, नुवाकोटको पञ्चकन्या गाउँपालिका वडा नम्बर ५ घर भइ हाल गंगबु बस्ने वर्ष २९ का कमल तामाङ, टोखा नगरपालिका १० घर भइ तारकेश्वर नगरपालिकाको मनमैँजु बस्ने बिक्रम अधिकारी, तनहुँको व्यास नगरपालिका घर भइ काठमाडाैँ बस्ने वरष ३२ का सुरज र सुवास कायस्थ रहेका छन ।

उनीहरू माथि अदालतबाट म्याद थप गरेर थप अनुसन्धान भैरहेको प्रहरीले जनाएको छ । सोही घटनामा प्रहरीले उक्त कुटपिटसमा संलग्न रहेका रधु तामाङ, विनोद तामाङलाई घटनास्थलबाै र शेरलाल पौडेललाई असार २३ गते पक्राउ गरी अनुसन्धान गरिरहेको छ ।