नेपाली सेनाका ११ पूर्व जर्नेल एकै पटक राजा फर्काउने अभियानमा समाहित (सूचीसहित)

१० असार, काठमाडौँ । एकै पटक नेपाली सेनाका ११ जना अवकाशप्राप्त जर्नेलहरू  देशमा राजा फर्काउने उद्घोषसहित अभियान सञ्चालन गरिरहेको राष्ट्रिय प्रजातन्त्र पार्टी (राप्रपा)मा प्रवेश गरेका छन । आइतबार राप्रपा अध्यक्ष राजेन्द्र लिंङदेनले पूर्व ११ जर्नेलाई पार्टीको केन्द्रीय सल्लाहकार समितिको सदस्यमा मानोति गरेका छन ।

राप्रपाका प्रवक्ता मोहनकुमार श्रेष्ठका अनुसार नेपाली सेनाका अवकाशप्राप्त उपरथी, सहायक रथीलाई पार्टी कार्यालयमै बोलाएर मनोनयनको प्रमाणपत्र प्रदान गरिएको छ । सो अवसरामा राप्रपा निर्देशक समितिका अध्यग् डा प्रकाशचन्द्र लोहनी लगायतका नेताहरू पनि उपस्थित रहेका थिए । मनोनित भएका जर्नेलहरूको सूची यस्तो छ

१. उपरथी गजेन्द्रबहादुर लिम्बू (अप्रा)- ताप्लेजुङ

२. उपरथी नरबहादुर कंडेल (अप्रा)- गुल्मी

३. उपरथी समीर शाही (अप्रा)- नवलपरासी

४. उपरथी शशीचन्द्र बहादुर सिंह (अप्रा)- काठमाडौ

५. उपरथी सुवर्णबहादुर शाह (अप्रा)- दाङ्ग

६. उपरथी भरतबहादुर खडका (अप्रा)- भक्तपुर

७. उपरथी कुबेर थापा (अप्रा)- ललितपुर

८. उपरथी संजय थापा- (काठमाडौं)

९. सहायकरथी खड्ग मल्ल (अप्रा)- म्याग्दी

१०. सहायकरथी प्रकाश सिंह बोगटी (अप्रा)- मोरङ्ग

११. प्रा.डा.उपरथी होमकुमार लावती (अप्रा)- पाँचथर