एमालेको अवरोधपछि राष्ट्रियसभाको बैठक सोमबारसम्मका लागि स्थगित
२१ जेठ, काठमाडौं । राष्ट्रिय सभाको बैठक भाेलि जेठ २२ गते सोमबार एक बजेसम्मका लागि स्थगित गरिएको छ । राष्ट्रियसभाका अध्यक्ष गणेश तिमल्सिनाले बैठक सोमबार अपराह्न १:०१ बजे बस्ने बताए।
आइतबार बसेको बैठकमा प्रमुख प्रतिपक्षी दल एमालेले निष्क्रिय नागरिकता विधेयक प्रमाणिकरण गरेर असंवैधानिक काम भएको र प्रधानमन्त्री प्रचण्डको भारत भ्रमण विवादास्पद रहेको भन्दै बैठक अवरुद्ध गरेको हो ।
प्रधानमन्त्रीले विदेशी भूमिमा गएर देशको भूभाग साटफेर गर्ने भनी दिएको अभिव्यक्ति प्रति असहमति जनाउँदै एमालेका सांसदहरुले जवाफ समेत माग गरेका थिए । यो विषयमा राष्ट्रिय सभाका अध्यक्ष गणेशप्रसाद तिमिल्सिनाले सरकारलाई जवाफ दिन रुलिङ गरेका थिए ।
प्रकाशित मिति : २१ जेष्ठ २०८०, आईतवार १४:२५
