अस्ट्रेलिया पठाइदिन्छु भनी ३० लाख ठगी गर्ने सञ्जय पक्राउ
१७ वैशाख, काठमाडौ । अस्ट्रेलिया पठाइदिन्छु भन्दै रकम ठगी गरेको आरोपमा प्रहरीले एक जनालाई पक्राउ गरेको छ । पक्राउ पर्नेमा चितवनको भरतपुर महानगरपालिका-४ घर भई हाल काठमाडौं महानगर १ लाजिम्पाटमा बस्ने २७ वर्षीय सञ्जय रेग्मी रहेका छन् ।
काठमाडौं उपत्यका अपराध अनुसन्धानको टोलीले पीडितसँग ३० लाख रुपैयाँ रकम लिई सम्पर्कविहीन उनलाई काठमाडौंको दरवारमार्गबाट पक्राउ गरेको हो । पक्राउ परेका उनीमाथि थप अनुसन्धान तथा कारबाहीका लागि वैदेशिक रोजगार विभाग बुद्धनगर पठाइएको प्रहरीले जनाएको छ ।
प्रकाशित मिति : १७ बैशाख २०८०, आईतवार १७:१५
