अहँ मैले पुरस्कार तक्मा पाउन हुन्न
-सृजना तिवारी
अहँ मैले पुरस्कार तक्मा पाउन हुन्न,
किनकी म कुनै दलको झोले होईन,
मेरो दल छैन, छु त केवल
सरकारको नीति कार्यक्रम प्रति प्रतिबद्ध छु !!!!
अहँ मैले पुरस्कार तक्मा पाउन हुन्न
किनकी म विधि,पद्धतिअनुसार काम गर्छु
गलत कामको बिरूद्ध आवाज उठाउँछु
गर्न हुने र नहुने काम छुट्याउन सक्छु !!!!
अहँ मैले पुरस्कार तक्मा पाउन हुन्न,
किनकी जनता भित्र म आफूलाई पाउँछु
उनीहरूको दुःखमा आफूलाई समाहित गर्छु
सैवा नै परम धर्मलाई पालना गर्छु !!!!
अहँ मैले पुरस्कार तक्मा पाउन हुन्न
किनकी म आफ्नो जिम्मेवारी र कर्तव्य पथमा
अडिग छु,ईमान्दारपूर्वक काम गर्छु
राज्यले न्याय गरोस वा अन्याय म जड छु!!!!
अहॅ मैले पुरस्कार तक्मा पाउन हुन्न
किनकी राष्ट्रभक्ति मेरो रगतको थोपा थोपामा दौडिरहेको छ
स्वार्थको लागि आत्मालाई म बेच्न सक्दिन
बरू म आफू मेटिन्छु यही मैरो कमजोरी छ !!!!
त्यसैले मैले पुरस्कार तक्मा पाउन हुन्न अहँ हुन्न,हुदै हुन्न !!!
प्रकाशित मिति : ४ बैशाख २०८०, सोमबार ०७:००
