१६ वर्षीया किशोरीलाई बलात्कार गर्ने दुई प्रहरी निलम्बित

११ असाेज, संखुवासभा । जबर्जस्ती करणीको आरोपमा दुई जना प्रहरी निलम्बित भएका छन् । इलाका प्रहरी कार्यालय आँखीभूइँमा कार्यरत प्रहरी सहायक निरीक्षक धनराज खतिवडा र इलाका प्रहरी कार्यालय हेदाङ्नामा कार्यरत प्रहरी जवान मिक्मा शेर्पा निलम्बनमा परेका हुन् । उनीहरुमाथि १६ वर्षीया किशोरीलाई जबर्जस्ती करणी गर्ने प्रयास गरेको आरोप छ ।

प्रहरी सहायक निरीक्षक खतिवडालाई जिल्ला अदालतबाट तारेखमा छाडिएको र प्रहरी जवान शेर्पा हिरासतमा रहेको जिल्ला प्रहरी कार्यालय सङ्खुवासभाका प्रहरी नायव उपरीक्षक श्यामकुमार सारु मगरले जानकारी दिए ।