सिराहको लहानबाट डा सुवास कुमार बनैता यादवको अपहरण, खोजी हुँदै

१० असोज, काठमाडाैँ । सिराहको लहाान पिपल चोकबाट एकजना चिकित्सकको अपहरणमा परेका छन । सप्तरी घर भई मकवानपुर सहकारी अस्पतालमा कार्यरत डाक्टर सुवास कुमार बनैता यादवको अपहरण भएको प्रहरीले जनाएको छ ।

यादवकी श्रीमती पूनमले प्रहरीलाई दिएको जानकारी अनुसार मंगलबार साँझ समुहमा आएका अपरिचित ब्यक्तिले उनलाई सेतो गाडीमा राखेर अपहरण गरेका छन ।

जिल्ला प्रहरी कार्यालय सिरहा र नजिकका प्रहरी इकाईले अहिले यादवको खोजी गरिरहेको सिरहाका प्रहरी प्रमुख एसपी जीवन श्रेष्ठले बताए । यादवलाई अपहरणकारीले भारततर्फ लैजान सक्ने आशंकाका कारण भारतीय सीमानाकामा समेत कडाई गरिएको छ ।