बागमती प्रदेशको सभामुखमा सत्ता गठबन्धनका भुवन पाठक विजयी
२९ पुस, काठमाडाैं । बागमती प्रदेश सभामुखमा गठबन्धनका साझा उम्मेदवार राप्रपाका भुवन पाठक विजयी भएका छन् । तीन जनाको उम्मेदवारी दर्ता भएकोमा सत्ता गठबन्धनका पाठक विजयी भएका हुन् । नेपाली कांग्रेस र नेपाल मजदुर किसान पार्टीले पनि सभामुखका लागि उम्मेदवारी दर्ता गरेका थिए।
सत्ता गठबन्धनका तर्फबाट राप्रपाका पाठक, नेपाली कांग्रेसका समानुपातिक सांसद शिवराज अधिकारी र नेमकिपाकी सांसद सृजना सायजुले सभामुखमा उम्मेदवारी दर्ता गराएका थिए ।
सभामुखमा विजयी भएका थापा काठमाडौंबाट समानुपातिकमा निर्वाचित भएका थिए । उनी ६२ मत प्राप्त गर्दै सभामुखमा विजयी भएका हुन् । त्यस्तै कांग्रेसका उम्मेदवार शिवराज अधिकारीले ३६ मत प्राप्त गरेका छन् भने नेमकिपाकी उम्मेदवार सृजना सायजुले ३ मत प्राप्त गरेकी छिन् ।
११० सदस्य रहेको बागमती प्रदेश सभामा एमालेको २७, कांग्रेसको ३७, माओवादीको २१, राप्रपाको १३, नेमकिपाको ३, एकीकृत समाजवादीको ७ र हाम्रो नेपाली पार्टीको २ सीट छ।
प्रकाशित मिति : २९ पुष २०७९, शुक्रबार १४:२८
