दसैँको लागि अग्रिम टिकट बुकिङ खुल्यो, पहिलो दिन नयाँ बसपार्कबाट १८९५ टिकट बुकिङ

६ असोज, काठमाडाैँ । दसैँको लागि अग्रिम टिकट बुकिङ असोज ५ बाटै खुलेको छ । केही यातायात व्यवसायीले टिकट बुकिङ नखोले पनि दसैँका लागि अग्रिम टिकट बुकिङ सुरु भैसकेको सरकारले दबाी गरेको छ ।  यातायात व्यवस्था विभागका अनुसार टिकट बुकिङ खोलेको पहिलो दिन हिजो काठमाडौंको नयाँ बसपार्कबाट १८ सय ९५ वटा टिकट बुकिङ गरेका छन ।

विभागका प्रवक्ता गोकर्णप्रसाद उपाध्यायले अहिले समितिसम्बद्ध थोरै र प्रालि सम्बन्ध सबै व्यवसायीले दसैँको लागि अग्रिम टिकट बुकिङ गरिरहेका जानकारी दिए । प्रालि सम्बद्ध ११ सय ९ व्यवसायीका ४ हजारको हाराहारीमा गाडी रहेका विभागले जनाएको छ ।