एनआईसी एशिया बैंकले लाभांश नबाँड्ने, सेयरधनीहरुकाे हात खालि

६ पुस, काठमाडाैं । एनआईसी एशिया बैंकले लाभांश नबाँड्ने भएको छ। बैंकले आर्थिक वर्ष २०७८/७९ का लागि लाभांश वितरण नगर्ने भएको हाे ।

बैंकको पुस ५ गते बसेको बैंकको सञ्चालक समितिको बैठकले गत आर्थिक वर्षको मुनाफाबाट सेयरधनीहरुलाई लाभांश वितरण नगर्ने निर्णय गरेको हो। योसँगै बैंकले सेयरधनीहरुलाई बोनस सेयर र नगद लाभांश वितरण गर्ने छैन। उक्त आर्थिक वर्षका लागि सेयरधनीहरुकाे हात खालि हुने छ । बैंकले अघिल्लो आर्थिक वर्ष २०७७/७८ मा पनि सेयरधनीहरुकाे लागि लाभांश वितरण गरेको थिएन।

सोही बैठकले आर्थिक वर्ष २०७८/७९ को नाफा–नोक्सान हिसाब तथा नगद प्रवाह विवरणलगायतका वित्तीय विवरणहरुमाथि छलफल गरी स्वीकृति गर्ने निर्णय गरेको छ। अन्तिम स्वीकृतिका लागि बैंकले गत आर्थिक वर्षको वित्तीय विवरण नेपाल राष्ट्र बैंकमा पेश गरेको छ।