स्कुटरकाे ठक्करबाट एकजना पैदलयात्रुको मृत्यु
१ असाेज, लमजुङ । लमजुङकाे बेंसीशहर नगरपालिका–१ उदिपुरमा स्कुटरकाे ठक्करबाट एकजना पैदलयात्रुको मृत्यु भएको छ । बिहान उदिपुरबाट सुन्दरबजार–९ भोटेओडार तर्फ जाँदै गरेको ग १३ प ९००३ नं स्कुटरले ५२ वर्षीय पैदलयात्रु लक्ष्मी तामाङलाई ठक्कर दिँदा टाउकामा गम्भीर चोट लागेको र उपचारका क्रममा जिल्ला सामुदायिक अस्पताल बेंसीशहरमा मृत्यु भएको प्रहरी निरीक्षक राजेन्द्र अधिकारीले जानकारी दिनुभयो ।
स्कुटर चालक गोरखा पालुङटार नगरपालिका–४ का १९ वर्षीय विजय भुजेललाई स्कुटरसहित नियन्त्रणमा लिइएको जिल्ला प्रहरी कार्यालय लमजुङले जनाएको छ ।
प्रकाशित मिति : १ आश्विन २०७५, सोमबार १२:५९
