नेपाली चलचित्र बाबरीको रेड कार्पेट प्रिमियर शो एडिलेडमा हुदै

३० असाेज, एडिलेड । प्रेम कथामा बनेको नेपाली चलचित्र बाबरीको एडिलेडमा रेड कार्पेट शो अक्टोवर १८ मगलवार रीगल थिएटर हुने भएको छ | शोमा चलचित्रका चर्चित कलाकारहरु धिरज मगर र अदिती बुढाथोकीको विशेष उपस्थिति हुने भएको छ |

एडिलेडमा शोको मुख्य व्यवस्थापन गरिरहेको माभेन कन्सल्ट्यान्सिङका निदेशक रञ्जन खड्काले नेपाली चलचित्रको साथमा कलाकाहरु संग भेटघाट गर्न पाउने अवसर दर्शकहरुले प्राप्त गर्ने बताए । चलचित्रका सबै गीतहरू ट्रेन्डिङ र शीर्ष चार्टमा रहेको र गीतहरूले जस्तै यो चलचित्रले पनि दर्शकहरुलाई मनोरञ्जन दिने उनले विश्वास व्यक्त गरे ।

चलचित्र बाबरी सुरेन्द्र पौडेल निर्देशित नेपाली रोमान्टिक ड्रामा चलचित्र हो, जसलाई सिजन दाहाल, मनोज त्रिपाठी, रीत बोहोरा र किशोर नेपालले लेखेका हुन् भने गणेश बुढाथोकी र पुष्पलता बुढाथोकीले निर्माण गरेका हुन् । चलचित्रमा धिरज मगर, अदिती बुढाथोकी र धिरज नाडकरको मुख्य भूमिका रहेको छ ।