गुण्डागर्दीको अारोपमा वाईसीएल सिन्धुलीका अध्यक्ष पुष्पराज श्रेष्ठ पक्राउ

२६ भदाै, काठमाडाैँ । गुण्डागर्दीको अारोपमा वाईसीएल सिन्धुलीका अध्यक्ष पुष्पराज श्रेष्ठ पक्राउ परेका छन । महानगरीय अपराध अनुसन्धान महाशाखा टेकुले वाईसीएल सिन्धुली अध्यक्ष श्रेष्ठलाई पक्राउ गरेको हो । सिन्धुलीको कमलामाई–५ घर भइ हाल गौशाला बस्दै आएका ३६ वर्षीय श्रेष्ठलाई प्रहरीले सर्वसाधारणलाई धाकधम्की र गालीगलौज गरेको आरोपमा पक्राउ गरेको प्रहरीले जनाएको छ ।

महाशाखाका प्रमुख एसएसपी धिरजप्रताप सिंहले ठेकेदार काम गर्ने ४० वर्षीय रामबहादुर कटुवाललाई हतियार देखाएर धाकधम्की र गालीगलौज गरेको उजुरीको आधारमा उनलाई पक्राउ गरिएको जानकारी दिए । श्रेष्ठमाथि सिन्धुलीसहित विभिन्न जिल्लामा ज्यान मार्ने उद्योगमा ४ वटा, सार्वजनिक अपराध अन्तरगत दुई र अपहरण सम्बन्धी एउटा मुद्दा दर्ता भएको प्रहरीले जनाएको छ ।