काठमाडाैँको ज्याठामा अक्सिजनका ४० बढी सिलिण्डर बिस्फोट, दुर्इ घर जले
२६ भदाै, काठमाडाैँ । काठमाडौँको ज्याठा क्षेत्रमा भिषण आगलागीबाट दुर्इ घर जलेका छन । मंगलबार बिहान साढे ४ बजेदेखि सुरु भएको आगलागीले दुर्इ घर जलेको घटनाका प्रत्यक्षदर्शी पत्रकार शोभित थपलियाले बताए । अागो नियन्त्रणका लागि ५ वटा दमकलको प्रयोग गरिएको थियो ।
महानगरीय आयुक्तको कार्यालय रानीपोखरीका अनुसार आगो लागेपछि हिमाल आरोहणका क्रममा प्रयोग गरिने अक्सिजन ग्यास सिलिन्डर विस्फोट हुँदा ज्याठा र क्षेत्रपाटी क्षेत्रका बासिन्दामा भागादाैड नै मच्चिएको थियो ।
आगलागीका क्रममा भाग्न खोज्दा केही स्थानीयबासी लडेर घाइते समेत भएका छन् । आगो लागेपछि झ्यालबाट हापफालेर भाग्ने क्रममा घाइते भएका २ जनालार्इ उपचारका लागि अस्पताल पठाइएको महानगरीय प्रहरी वृत्त दरबारमार्गले जनाएको छ ।
स्थानीयबासी सागर तुलाधरका अनुसार मिनेट मिनेटको अन्तरमा पुरै ज्याथा क्षेत्र थर्किने गरी करिब ४० देखि ५० वटा अक्सिजन ग्यास सिलिन्डर पड्किएका थिए ।
प्रकाशित मिति : २६ भाद्र २०७५, मंगलवार ०७:१८
