एक दिवसीय विश्वकप क्रिकेट छनोटमा आज नेपालले स्कटल्याण्डको सामना गर्दै
२४ फागुन, काठमाडौँ । आइसीसी एकदिवशीय विश्वकप छनोट क्रिकेट प्रतियोगिता अन्तर्गत समूह चरणको दोस्रो खेलमा नेपालले आज स्कटल्याण्डको समाना गर्दैछ ।
समूह चरणको शीर्ष तीनभित्र रहेर ‘सुपर सिक्स’ चरणमा पुग्नका लागि नेपालले स्कल्याण्डलाई हराउनुपर्ने चुनौति छ । स्कटल्याण्डलाई हराउँदै नेपाल पहिलो जिता दर्ता गर्ने तयारीमा रहेको छ ।
आइतबार भएको समूहको पहिलो खेलमा नेपालले जिम्बाबेसँग ११६ रनको पराजय ब्यहोरेको थियो । नेपाल र स्कटल्याण्डबीचको खेल जिम्बाबेको बुलावायोस्थित क्वीन्स स्पोर्टस क्लबको मैदानमा हुनेछ ।
खेल नेपाली समयअनुसार दिउँसो सवा १ बजेदेखि सुरु हुनेछ ।
प्रकाशित मिति : २४ फाल्गुन २०७४, बिहीबार ०९:४८
