राष्ट्रपति भण्डारीसँग बिमस्टेक सदस्य राष्ट्रका राष्ट्राध्यक्ष तथा सरकार प्रमुखहरुकाे सामूहिक भेटवार्ता  

१४ भदाै, काठमाडौँ । राष्ट्रपति विद्यादेवी भण्डारीसँग विमस्टेक बैठकमा सहभागि हुन आएका ६ वटै राष्ट्रका राष्ट्राध्यक्ष तथा सरकार प्रमुखहरुकाे सामूहिक  भेटवार्ता भएकाे छ । राष्ट्रपति भवन शीतल निवासमा अाज मध्यान्ह सो सामूहिक भेटवार्ता भएको हो ।

भेटमा प्रधानमन्त्री केपी शर्मा ओलीसहित भारतीय प्रधानमन्त्री नरेन्द्र मोदी, बङ्गलादेशका प्रधानमन्त्री शेख हसिना, भुटानको अन्तरिम सरकारका प्रमुख सल्लाहकार एवं प्रधानन्यायाधीश ल्योन्पो छिरिङवाङचुक, म्यान्माका राष्ट्रपति विन मिन्त, श्रीलङकाका राष्ट्रपति मैत्रीपाला सिरिसेना र थाइल्याण्डका प्रधानमन्त्री प्रयुत चान ओ चा सहभागि रहेको परराष्ट्र मन्त्रालालयले जनाएको छ ।