प्रचण्ड र माधव नेपालहरू बाहिरिएपछि पार्टी एकताबद्ध र अनुशासित बन्याेः प्रधानमन्त्री ओली

१५ माघ, काठमाडाैँ । प्रधानमन्त्री केपी शर्मा ओलीले पार्टी बल्ल एकताबद्ध र अनुशासित भएको बताएका बताउनुभएकाे छ। ट्रेड युनियन महासंघ जिफन्टको काठमाडौँमा आयोजित राष्ट्रिय कार्यकर्ता भेलालाई सम्बोधन गर्दै प्रधानमन्त्री ओलीले प्रचण्ड र माधव नेपालहरू बाहिरिएपछि पार्टी एकताबद्ध भएको बताउनुभयाे ।

उहाँले भन्नुभयाे, ‘पार्टी इतिहासमा अहिलेजस्तो एकताबद्ध र अनुशासित कहिल्यै पनि थिएन,  प्रचण्ड र माधव नेपालरूपी पिलो टन्किरहेको रहेछ। पिलो निचोरिएपछि बल्ल आनन्द भएको छ।’
उहाँले प्रचण्ड अस्थिर भएको भन्दै अब कतैबाट पनि चुनाव जित्न नसक्ने बताउनुभयाे ।

उहाँले भन्नुभयाे ‘२०७४ को चुनावमा चितवनबाट हामीले गएर भोट हालिदिनुस् भनेर भाषण गरेर जिताएको हो। ७० सालमा बत्ती निभाएर बाकस साटेर जितेको हो। रोल्पादेखि सिराहासम्म भ्याइसक्नुभो अब कहाँ जानुहुन्छ?