सभामुखको राजीनामाको सूचना संसदमा टाँसियो, नयाँ सभामुख चयनकाे बाटाे खुल्याे
१५ असोज, काठमाडौँ । बलात्कारकाे आरोप लागेपछि कृष्णबहादुर महराले सभामुख पदबाट राजीनामा दिएको सूचना संसद सचिवालयमा टाँसिएको छ । उपसभामुखको निर्देशनअनुसार सूचना टाँसिएको सचिवालयले जनाएकाे छ ।
मंगलबार महराले उपसभामुख शिवमाया तुम्बाहाम्फेसमक्ष राजीनामा दिएका थिए । उनले राजीनामा पत्रमा ‘छानबिन नहुँदासम्मका लागि’ राजीनामा दिएको उल्लेख गरेका थिए । तर संसद सचिवालयको सूचनामा यसबारे केही उल्लेख छैन । यो सूचनासँग सभामुखको पद रिक्त भएको छ र नयाँ निर्वाचनका लागि बाटो खुलेको छ ।
प्रकाशित मिति : १५ आश्विन २०७६, बुधबार १४:२८
