३ मंसिर २०८३, बुधबार | Thu Nov 19 2026

यस वर्षको बडादशैंको टीकाको उत्तम साइत बिहान १०:२६ बजे

https://www.muktinathbank.com.np/online/loan-application

२१ असोज, काठमाडौं । नेपालीहरूको महान् चाड बडादशैंको टीकाको उत्तम साइत यस वर्ष कात्तिक ४ गते मंगलबार बिहान १० बजेर २६ मिनेटमा जुरेको छ। नेपाल पञ्चाङ्ग निर्णायक विकास समितिले बडादशैंका विभिन्न धार्मिक तथा सांस्कृतिक विधिका लागि शुभसाइत सार्वजनिक गर्दै यस्तो जानकारी दिएको हो।

मितिका अनुसार यस वर्षको नवरात्रारम्भ तथा घटस्थापना असोज २५ गते आइतबार परेको छ। सो दिन बिहान ११ बजेर ४७ मिनेटमा घटस्थापनाका लागि शुभसाइत रहेको छ। घटस्थापनासँगै घरघर तथा शक्तिपीठहरूमा वैदिक विधिपूर्वक दियो, कलश र गणेश स्थापना गरी जमरा राख्ने गरिन्छ।

त्यस्तै, दशैंको मुख्य दिनहरू अन्तर्गत फूलपाती असोज ३१ गते शनिबार बिहान ७ बजेर ३७ मिनेटमा भित्र्याइने साइत तय भएको छ। महाअष्टमी पर्व कात्तिक १ गते आइतबार परेको छ र सो दिन बिहान १० बजेर ३९ मिनेटको समय शुभ रहेको छ। महानवमी भने कात्तिक ३ गते मंगलबार मनाइने समितिले जनाएको छ।

विजया दशमी तथा देवी विसर्जनको मुख्य दिन कात्तिक ४ गते मंगलबार परेको छ। सोही दिन देवी विसर्जनपछि मान्यजनबाट नवदुर्गाको प्रसादस्वरूप रातो टीका र पहेँलो जमरा ग्रहण गर्न बिहान १०:२६ बजेको समय सबैभन्दा उत्तम मानिएको छ।  विजया दशमीको दिनभर नै टीका लगाउन बाधा नभए पनि साइत नै खोज्नेहरूका लागि समितिले बिहान १०:२६ बजेको समय निर्धारण गरेको हो।

प्रकाशित मिति : October 7, 2026 at 11:16 am

https://www.nabilbank.com/individual
https://www.nimb.com.np/