३ मंसिर २०८३, बुधबार | Thu Nov 19 2026

हिमपहिरोमा परी निर्मल पुर्जासहित १० आरोही सम्पर्कविहीन

https://www.muktinathbank.com.np/online/loan-application

१५ साउन, काठमाडौं । विश्वप्रसिद्ध नेपाली पर्वतारोही निर्मल पुर्जा नेतृत्वको १० सदस्यीय अन्तर्राष्ट्रिय आरोही टोली पाकिस्तानको ब्रोड पिक हिमालमा हिमपहिरोमा परेर सम्पर्कविहीन भएको छ ।

बीबीसीका अनुसार पाकिस्तानको कराकोरम हिमशृङ्खलामा अवस्थित ८ हजार ४७ मिटर अग्लो ब्रोड पिकमा बिहीबार मध्याह्नतिर हिमपहिरो गएको थियो । त्यसयता टोलीसँग कुनै सम्पर्क हुन नसकेको पाकिस्तानका पर्वतारोहण अधिकारीहरूले बताएका छन् ।

dainiki.com

टोलीमा पाकिस्तान, अमेरिका, चीन, ओमान र नेपालका पर्वतारोही सहभागी रहेको अमेरिकी टेलिभिजन नेटवर्क सिएनएनले लेखेको छ। प्रारम्भिक विवरणअनुसार टोलीमा पाँच नेपाली, एक अमेरिकी, एक चिनियाँ, एक ओमानी र अन्य सदस्य रहेका छन्।

४२ वर्षीय नेपाली मूलका पुर्जाले सन् २०१९ मा विश्वका ८ हजार मिटरभन्दा अग्ला सबै १४ हिमाल केवल ६ महिनाभन्दा केही बढी अवधिमा आरोहण गरेर विश्व कीर्तिमान बनाएका थिए।

पुर्जाले सन् २००३ मा बेलायती सेनामा प्रवेश गरेका थिए भने सन् २००९ मा रोयल मरिनमा आबद्ध भएका थिए। उनको पर्वतारोहण यात्रा सन् २०१२ मा एभरेस्ट आधार शिविरसम्मको यात्राबाट सुरु भएको थियो।

प्रकाशित मिति : July 31, 2026 at 9:52 am

https://www.nabilbank.com/individual
https://www.nimb.com.np/