सुनसरीमा मध्यरातमा झडप, एकको मृत्यु, २२ जना घाइते

११ साउन, सुनसरी । सुनसरीको देवानगञ्ज गाउँपालिकाको कप्तानगन्ज बजारमा साउने सोमबारको ‘बोलबम’ यात्राका लागि डिजे बजाउने विषयलाई लिएर दुई समूहबीच मध्यरातमा झडप हुँदा एक जनको मृत्यु भएको छ भने २२ जना घाइते भएका छन ।

आइतबार राति भएको उक्त झडपमा परी प्रदर्शनकारी र सुरक्षाकर्मी गरी २२ जना घाइते भएका छन्। झडप नियन्त्रणमा लिन प्रहरीले चलाएको गोली लागेर २४ वर्षीय ओमप्रकाश मेहताको मृत्यु भएको छ। घाइतेमध्ये केहीको अवस्था गम्भीर रहेको प्रहरीले जनाएको छ।