धादिङको धुँवाकोटमा भतिजले खुकुरी प्रहार गरी अाफ्नै काकीको हत्या गरे

८ माघ, धादिङ  ।  धादसङकाे धुँवाँकाेटमा भतिजले खुकुरी प्रहार गरी अाफ्नै काकीकाे हत्या गरेका छन् ।  नीलकण्ठ नगरपालिका–१४ रातमाटेकी मोनिका आले मगरकाे  मंगलबार बिहान हत्या भएको हाे ।

भतिजो नाता पर्ने १६ वर्षीय सुमन आलेमगरले वस्तुलाई घाँस लिन घर बाहिर निस्किएकी २५ वर्षीया काकीकाे  खुकुरी हानेर हत्या गरेकाे जिल्ला प्रहरी कार्यालयका प्रहरी नायब उपरीक्षक श्यामकुमार महतोले बताउनुभयो ।

गाउँकाले महिलालाई खुकुरीले जथाभावी काटेको देखेपछि उद्धारका लागि  गाउँलेहरु घटनास्थल पुग्दा आरोपित सुमन फरार भइसकेका थिए भने मोनिकाको स्वास नली काटिएर मृत्यु भइसकेको थियो ।

घटनाको अनुसन्धान सुरु गरिएको र आरोपितको खोजी गरिरहेको प्रहरीले जानकारी दिएको छ । शवलाई पोष्टमार्टमका लागि जिल्ला सदरमुकाम लगिएको प्रहरीले जनाएको छ । मृतकको एक ५ वर्षीया छोरी छिन् भने उनका पति नेपाली सेनामा कार्यरत छन् ।