पूर्व सांसद भुषालले समृद्धिको यात्रा सफल पार्न कांग्रेस छाडेर नेकपा रोजे (भिडियोसहित)

५ माघ, काठमाडाैँ । नेपाली कांग्रेसका एक जना पुराना नेताले नेपाली कांग्रेसबाट देशको सम्बृद्धि सम्भव नभएकाले नेकपामा प्रवेश गरेको बताएका छन । शनिबार अपरान्ह नेकपाको केन्द्रीय कार्यालय धुम्बाराहीमा नेकपा प्रवेश गर्दै कांग्रेस चितवनका पूर्व सभापति र पूर्व सांसद समेत रहेका तीर्थ भुषालले आफू देशको विकास र समृद्धिका लागि नेकपामा प्रवेश गरेको बताए ।

उनले आफू जहाँ लाग्दा पनि इमान्दारितापूर्वक लागेको भन्दै देशको विकास र समृद्धिको यात्रा नेकपाबाटै पूरा हुने देखेर लामो समय संघर्षको गरेको नेपाली कांग्रेस पार्टी परित्याग गरेको बताए । भुषाललाइ नेकपाका अध्यक्षद्धय केपी शर्मा अोली र पुष्पकमल दाहाल प्रचण्डले स्वागत गरेका थिए ।