पाँच राजदूतको संसदीय सुनुवाई आज

३ माघ, काठमाडाैँ ।  प्रस्तावित पाँच राजदूतको संसदीय सुनुवाई आज हुने भएको छ । संसदीय सुनुवाई विशेष समितिले विभिन्न देशका लागि सरकारद्वारा सिफारिस पाँच जना राजदूतको आज सुनुवाईसँगै अनुमोदन गर्दैछ । सिफारिसमा परेका राजदूतको विरुद्धमा उजुरी नपरेकाले आज सबै राजदूत अनुमोदन हुने सम्भावना रहेको छ ।

 बिहान ११ बजे सिंहदरबारमा बस्ने बैठकले फ्रान्सका लागि राजदूतमा सिफारिस दीपक अधिकारी, कुवेतका लागि दुर्गाप्रसाद भण्डारी, क्यानडाका लागि भृगु ढुंगाना, थाइल्याण्डका लागि गणेशप्रसाद ढकाललाई राजदूत र मणिप्रसाद भट्टराईलाई संयुक्त राष्ट्र संघको स्थायी प्रतिनिधिमा नियुक्तीका लागि सुनुवाई गर्नेछ ।