नेप्सेमा गिरावट, कारोबार रकम पनि घट्यो

३१ वैशाख, काठमाडौं । बुधबार नेप्से परिसूचक घटेर बन्द भएको छ। यस दिन नेप्से परिसूचक १३.९६ अंकले घटेर २६२०.२७ विन्दुमा झरेको छ।

नेप्सेसँगै यस दिन कारोबार रकम पनि घटेको छ। अघिल्लो कारोबारको दिन मंगलबार ९ अर्ब ६३ करोडको सेयर खरिदबिक्री भएको बजारमा यस दिन ३१५ स्टकको १ लाख १२ हजार पटकको कारोबारमा ८ अर्ब ७३ करोड ६५ लाख ७० हजार रुपैयाँ बराबरको १ करोड ८४ लाख ९६ हजार कित्ता शेयर खरिदबिक्री भएको छ।

आज एक कम्पनीको सेयर मूल्यमा सकारात्मक सर्किट लागेको छ । यस दिन ओम मेगाश्री फर्मास्यूटिकल्स लिमिटेडको सेयरमूल्यमा सकारात्मक सर्किट लागेको हो। आज गुराँस लघुवित्त वित्तीय संस्थाको सेयरमूल्य सर्वाधिक ९.९८ प्रतिशत घटेको छ। यस दिन राधी विद्युत कम्पनीको सर्वाधिक कारोबार भएको छ।