सोमबार बढ्यो सुनको भाउ, कतिमा हुँदैछ कारोबार?

२४ मंसिर, काठमाडौँ । साताको दोस्रो कारोबारको दिन सोमबार नेपाली बजारमा सुनको मूल्य बढेको छ ।

नेपाल सुन-चाँदी व्यवसायी महासंघका अनुसार सोमबार सुन तोलामा चार सय रूपैयाँले बढेर प्रतितोला १ लाख ५० हजार १०० रुपैयाँ कायम भएको हो ।

त्यस्तै, चाँदी भने स्थिर रहेको छ । चाँदी प्रतितोला १ हजार ८६५ रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।