घट्न थाल्यो प्याज, यस्तो छ कालीमाटीमा अन्य तरकारी भाउ

१ कात्तिक, काठमाडौं । दशैं सकिए लगत्तै कालीमाटीमा प्याजको भाउ घट्न थालेको छ । १० दिन पहिले कालीमाटी होलसेल बजारमा प्रतिकिलो १३० रुपैयाँसम्म पुगेको प्याज पछिल्ला दिन घट्दै गएको छ ।

कालीमाटी फलफूल तथा तरकारी बजार विकास समितिका अनुसार बिहिबार प्याज प्रतिकिलो १०५ रूपैयाँसम्म कारोबार भइरहेको छ भने घिरौंला, बरेला, आलु, गाजर, बोडी, परवर र साग पनि केही घटेको छ ।

समितिका अनुसार बिहिबार ठूलो गोलभेँडा प्रतिकिलो अधिकतम १४०, सानो स्थानीय गोलभेँडा ८०, रातो आलु ९७, भारतीय रातो आलु ५८ रुपैयाँमा कारोबार भएको छ ।