शेयर बजारमा वृद्धिः आर्थिक पुनरुत्थानको संकेत

-बसन्त चाैधरी

नयाँ मन्त्रिमण्डलको शपथ ग्रहण संगै नेपालको शेयर बजारमा उछाल आएको छ । यस परिवर्तनले लगानीकर्ताहरूको आत्मविश्वासलाई पुनः स्थापित गरेको सहजै अनुमान गर्न सकिन्छ। अब अर्थतन्त्र सुधारको बाटोमा जान्छ है भन्ने भरोसाको संकेत पनि हो यो। वित्तीय बजारमा देखिएको सुधार वर्तमान सरकारको प्रभावकारी आर्थिक नीति र सुधारहरू कार्यान्वयन गर्न सक्ने सम्भावनाप्रति आमविश्वास हो। यस सकारात्मक परिवर्तनलाई पुष्टि गर्ने केही कारणहरू छन् ।

पहिलो, नयाँ सरकारले आर्थिक स्थिरता र वृद्धिलाई प्राथमिकता दिने वाचा गरेको छ। यसले लगानीकर्ताहरूलाई आश्वस्त पारेको छ।

दोस्रो, व्यवसायिक वातावरण र पूर्वाधार विकासमा सुधार गर्ने नीतिले पनि अहम् भूमिका खेलेको छ।

तेश्रो, विगतमा देखिएको राजनीतिक अस्थिरताले अब स्थिरता प्राप्त गर्ने छ भन्ने आशा लगानीकर्ताहरूमा पलाएको छ। यस गति कायम राख्नका लागि सरकारले केही रणनीतिहरू भने अख्तियार गर्नु पर्ने हुन्छ। पारदर्शिता सुनिश्चित गर्न र लगानीकर्ताहरूको हितको रक्षा गर्न नियमक ढाँचाहरूलाई सुदृढ बनाउनु महत्त्वपूर्ण छ।

विदेशी प्रत्यक्ष लगानी (एफडीआई) प्रोत्साहित गर्न स्थिर वातावरण र साना तथा मझौला उद्योगहरू (एसएमई) लाई प्राथमिकता प्रदान गर्नाले पनि आर्थिक वृद्धिमा टेवा पुर्‍याउन सकिन्छ। विवेकपूर्ण राज्यकोषीय नीतिहरू मार्फत समष्टिगत आर्थिक स्थिरता कायम राख्नु र नवविचार (स्टार्टअप) तथा उद्यमशीलतालाई प्रोत्साहन दिनु पनि त्यतिकै अत्यावश्यक हुनेछ।

निष्कर्षमा, हालको शेयर बजारको वृद्धिलाई सकारात्मक रूपमा हेर्दा, अर्थतन्त्रको दीर्घकालीन वृद्धि सरकारको सशक्त र समावेशी अर्थतन्त्रको प्रवर्द्धन गर्ने नीतिहरू कार्यान्वयन गर्न सक्ने क्षमतामा निर्भर रहनेछ।

शेयर बजारमा वृद्धिः आर्थिक पुनरुत्थानको संकेत?

नयाँ मन्त्रिमण्डलको शपथ ग्रहण संगै नेपालको शेयर बजारमा उछाल आएको छ। यस परिवर्तनले लगानीकर्ताहरूको आत्मविश्वासलाई पुनः स्थापित गरेको सहजै अनुमान गर्न सकिन्छ। अब अर्थतन्त्र सुधारको बाटोमा जान्छ है भन्ने भरोसाको संकेत पनि हो यो।…

— Basant Chaudhary (@basant_cg) July 19, 2024