मधेश सरकारबाट बाहिरियो लोसपा, वन तथा वातावरण मन्त्री कुर्मीले दिए राजीनामा
४ वैशाख, काठमाडाैँ । मधेस प्रदेशका वन तथा वातावरण मन्त्री रमेशप्रसाद कुर्मीले पदबाट राजीनामा दिएका छन्। मंगलबार बसेको लोसपाको संसदीय दलको बैठकले लोकतान्त्रिक समाजवादी पार्टी (लोसपा) मधेश प्रदेश सरकारबाट बाहिरिने र मुख्यमन्त्री सरोजकुमार यादवलाई विश्वासको मतसमेत नदिने निर्णय गरेसँगै कुर्मीले पदबाट राजीनामा दिएका हुन् ।
लोसपाबाट उनी प्रदेश सरकारमा एक्ला मन्त्री थिए। प्रदेश सभामा मंगलबार मुख्यमन्त्री यादवले विश्वासको मत लिँदैछन्।
प्रकाशित मिति : April 16, 2024 at 5:29 pm
