अप्पर तामाकाेशीको नोक्सानी बढ्यो, विद्युत बिक्री आम्दानी ८ अर्ब १२ करोड

३१ साउन, काठमाडाैं । अपर तामाकोशी हाइड्रोपावर लिमिटेडले आर्थिक वर्ष २०७९/८०को चौथो त्रैमासको वित्तीय विवरण सार्वजनिक गरेको छ।  समीक्षा अवधिमा कम्पनीले ३ अर्ब ७५ करोड रुपैयाँ घाटा व्यवहोरेको छ।  अघिल्लो वर्ष यही अवधिसम्म कम्पनीले २ करोड ३१ लाख रुपैयाँ घाटा व्यहोरेको थियो।

कम्पनीले विद्युत बिक्रीबाट ८ अर्ब १२ करोड रुपैयाँ आम्दानी गरेको छ। यो अघिल्लो आर्थिक वर्षको सोही अवधिको तुलनामा १४.२१ प्रतिशत बढी हो। अघिल्लो वर्ष यही अवधिमा कम्पनीले ७ अर्ब ११ करोड रुपैयाँ विद्युत बिक्रीबाट आम्दानी गरेको थियो।

चुक्ता पूँजी १० अर्ब ५९ करोड रुपैयाँ  रहेको कम्पनीको अन्य रिटेन्ड अर्निङ्ग ६ अर्ब ९१ करोड ८० लाख रुपैयाँ ऋणात्मक रहेको छ। कम्पनीको प्रतिसेयर आम्दानी (ईपीएस) ३५ रुपैयाँ ४९ पैसा ऋणात्मक रहेको छ। कम्पनीको प्रतिसेयर नेटवर्थ ३४ रुपैयाँ ६७ पैसा रहेको छ।