सल्यानबाट दाङतर्फ जाँदै गरेकाे बस दुर्घटना हुँदा ८ जनाको मृत्यु
२१ कात्तिक, काठमाडौँ । सल्यानमा बस दुर्घटना हुँदा ८ जनाको मृत्यु भएको छ । सल्यानबाट दाङको तुलसीपुर जाँदै गरेकाे रा १ ख २५५२ नम्बरको बस आइतबार बिहान ११ बजेतिर कपुरकोटकाे खारखोलामा दुर्घटना भएकाे जिल्ला प्रहरी कार्यालय सल्यानका डीएसपी गोविन्द थापाले जानकारी दिए ।
उक्त बसमा ३० जना यात्रु सवार थिए । बस सडकबाट करिब दुई सय मिटर तल खोलामा खसेको छ । पाँच जना गम्भीर घाइतेको सल्यान अस्पतालमा उपचार भइरहेको छ भन्ने अन्य घाइतेहरूको पनि उद्धार र उपचार जारी छ । घाइतेहरूका अनुसार बस निकै नै तिव्र गतिमा थियो ।
प्रकाशित मिति : २१ कार्तिक २०७८, आईतवार १३:४७
