विध ल्याबको चाडपर्व केन्द्रीत अफर : कात्तिक २५ सम्मका परीक्षणमा ४० प्रतिशत छुट
१९ असोज, काठमाडौँ । ललितपुरको कुपण्डोलमा रहेको विध ल्याबले दशैं, तिहार तथा छठपर्वको उपलक्ष्यमा ४० प्रतिशतसम्म छुटको व्यवस्था गरेको छ ।
नेपालीहरुको महान चाडपर्व नजिकिँदै गर्दा सम्पूर्णमा शुभकामना दिँदै ल्याबले सो छुटको व्यवस्था रहेको जानकारी गराएको हो । सरकारबाट ‘ए’ ग्रेडको मान्यता पाइसकेको यस ल्याबले यसअघि पनि विभिन्न छुटसहितको व्यवस्था गर्दै आएको थियो ।
ल्याबका अनुसार यो व्यवस्था कार्तिक २५ गतेसम्मका लागि मात्र लागु हुनेछ । कोभिड–१९(आरटी पीसीआर) र कोभिड–१९ एन्टिबडी परीक्षणमा भने लागु नहुने ल्याबले जानकारी दिएको छ ।
कोरोनाकालमै स्थापना भएर विशेषगरी कोभिड–१९ परीक्षण, एन्टिबडी परीक्षण तथा अन्य सम्पूर्ण प्रकारका ल्याब परीक्षण हुँदै आएको छ । छोटो समयमै धेरै लोकप्रियता कमाएको यस ल्याबले स्थापनाकाल देखि नै सरकारलाई सहयोग गर्दै आएको छ । कोरोना भाइरस (आरटी पीसीआर) परीक्षणको शुल्क घटाउने बेलामा पनि ल्याबले महत्वपूर्ण भूमिका खेलेको थियो ।
अक्सिजनको चरम अभाव भएको बेलामा ल्याबले ललितपुर महानगरपालिका सहित अन्य अस्पतालहरुलाई अक्सिजन सिलिन्डर सहयोग गरेको थियो । त्यस्तै, विभिन्न मेडिकल कलेजमा अध्ययनरत विद्यार्थीहरुको परीक्षामा सहभागी हुनका लागि गर्नपर्ने पीसीआर परीक्षणका लागि पनि ५० प्रतिशतसम्म छुटको व्यवस्था ल्याबले गरेको थियो ।
प्रकाशित मिति : १९ आश्विन २०७८, मंगलवार २१:२३
