केजी अस्पतालमा ४ महिने शिशुको मृत्यु, आफन्तद्धारा छानविनको माग
-मोहन जोशी
१४ असोज, धनगढी । धनगढीस्थित केजी अस्पतालमा ४ महिने शिशुको मृत्यु भएको छ । मृतकका आफन्तले अस्पतालको लापरवाहीका कारण शिशुको ज्यान गएको भन्दै छानविनको माग गरेका छन् ।
डोटीको दिपायल सिलगढी नगरपालिका–७ का विष्णु विक तथा मातादेवी विकको ४ महिने शिशुको उपचारका क्रममा शुक्रबार बिहान केजीमा मृत्यु भएको जनाइएको छ । मृतक शिशुका आफन्तले स्वास्थ्यकर्मीको लापरवाहीका कारण बच्चाको ज्यान भएको भन्दै छानविनको माग गरेका हुन् ।
बालकको टाउकोमा घाउ रहेको र रेफर गर भन्दा नमानेको मृतकका काका शंकर विकले बताए । उपचारमा संलग्न स्वास्थ्यकर्मीले बालकको खुट्टाबाट सिरिञ्जमार्फत औषधि दिने बताए पनि टाउकोमा घाउ हुनु शंकास्पद रहेको उनले बताए । केजीमा उपचार सम्भव नभए अन्तै लैजान्छौ भन्दा पनि अस्पतालले ६ दिनसम्म ठिक भइहाल्छ भन्दै बालकलाई मारेको उनको आरोप छ ।
शिशुको डोटीस्थित महाकाली मेडिकलमा प्राथमिक उपचार गरिएकोमा त्यहाँ उपचार सम्भव नभएको भन्दै धनगढी ल्याइएको थियो ।
प्रकाशित मिति : १५ आश्विन २०७८, शुक्रबार १७:५०
