कटारी नगरपालिकाले किरा परेको चना गर्भवती र सुत्केरीलाई बाँड्यो
-ईश्वर तामाङ
२० भदौ, उदयपुर । उदयपुरको कटारी नगरपालिकाले गर्भवती तथा सुत्केरीलाई वितरण गरेको पोषणयुक्त चनामा किरा भेटिएको छ । बहुक्षेत्रीय पोषण कार्यक्रम अन्तर्गत कटारी-८ मा वितरण गरिएको चनामा किरा भेटिएको हो ।
चनामा किरा भेटिएपछि उपमेयर भीमकुमारी राउतले विज्ञप्ति जारी गरेर चना नखान आग्रह गरेकी छन् । उक्त चना नगरपालिकाले फिर्ता लग्ने उनले बताइन् ।
कटारी-१२ मा बिहीबार र ८ मा शुक्रबार चना बाँडिएको थियो । १२ को विवरण भने नगरपालिकाले प्राप्त गरिसकेको छैन । चना गत वर्ष नै प्याकिङ गरिएको थियो । न्युजकारखाना
प्रकाशित मिति : २० भाद्र २०७८, आईतवार ०८:४७
