काेराेना अपडेटः १३८८ संक्रमित थपिए, २४ जनाको मृत्यु, २२६० संक्रमणमुक्त
१३ भदाै, काठमाडौँ । नेपालमा पछिल्लो २४ घण्टामा थप १३८८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा ७२५९ जनाको पीसीआर परीक्षण गर्दा १२१४ र ३०३८ जनाको एन्टिजेन विधिबाट परीक्षण गर्दा १७४ जना गरी थप १३८८ जनामा कोरोना संक्रमण पुष्टि भएको हाे ।
काेराेना संक्रमणबाट पछिल्लो २४ घण्टामा थप २४ जनाको मृत्यु भएको छ। सोही अवधिमा २२६० जना संक्रमणमुक्त भएको मन्त्रालयले जानकारी दिएको छ ।
प्रकाशित मिति : १३ भाद्र २०७८, आईतवार १७:११
