काठमाडाैँ उपत्यकामा एक साता थपियाे निषेधाज्ञा, सबैखाले सवारी साधन चलाउन पाइने

२० असार, काठमाडाैँ । काठमाडाैँ उपत्यकामा निषेधाज्ञा एक साता लम्बिएकाे छ । आइतबार बसेकाे काठमाडाैँ भक्तपुर र ललितपुरका प्रमुख जिल्ला अधिकारीहरूकाे बैठकले साे निर्णय गरेकाे हाे ।

बैठकले काठमाडाैँ उपत्यकाभित्र  मापदण्ड पुरा गरि सवारी साधनहरू सञ्चालन गर्न दिने निर्णय गरेकाे छ । बैठकले असार २२ गतेदेखि जोर-बिजोर प्रणाली हटाउने निर्णय समेत गरेकाे छ ।

माइक्रोको तेस्रो सिटमा चार-चार जनाका दरले ८ जना र चालक छेउमा एक जना गरी ९ जना यात्रुभन्दा धेरै बोक्न पाइने छैन। सवारीको मध्यभागमा दुईतर्फी यात्रुहरू छुट्याउने गरी प्लास्टिकको छेकबार लगाउनुपर्नेछ।

होटल तथा रेस्टुरेन्टको हकमा टेकअवे सेवा मात्र खुला गरिएको छ । सभा, सम्मेलन, हल जिम, सैलुन, डान्सबारलगायत क्षेत्र भने अझै बन्द नै हुनेछन् ।