उपत्यकाका प्रमुख जिल्ला अधिकारीहरुको बैठक बस्दै, निषेधाज्ञा लम्ब्याइने

११ जेठ, काठमाडौँ । काठमाडौँ उपत्यकामा थप एक साता निषेधाज्ञा लम्ब्याउनेबारे निर्णय गर्न आज तीन जिल्लाका प्रमुख जिल्ला अधिकारीको बैठक बस्दै छ । काठमाडौँ उपत्यकामा कोरोना संक्रमण रोकथाम तथा नियन्त्रणका लागि गरिएको निषेधाज्ञा थप गर्ने विषयमा छलफल गर्न प्रमुख जिल्ला अधिकारीहरुको बैठक आज बस्न लागेको हो । गत वैशाख १६ देखि लागू भइरहेको निषेधाज्ञा जेठ १३ गतेपछि पुनः थप गर्ने तयारी गरिएको छ। उपत्यकामा दोस्रो पटक थपिएको निषेधाज्ञाको अवधि यही जेठ १३ गते मध्यराति १२ बजे सकिँदैछ।