नुवाकाेटकाे तादीबाट भरुवा बन्दुकसहित २ जना पक्राउ
२४ असार, नुवाकोट । नुवाकाेटकाे तादीबाट भरुवा बन्दुकसहित २ जना पक्राउ परेका छन् । तादी गाउँपालिका-५ नर्जा बस्ने २४ वर्षीय राम तामाङ सहित २ जनालाई १ थान भरुवा बन्दुकसहित मंगलबार साँझ प्रहरीले पक्राउ गरेको हाे ।
तामाङको घरमा भरुवा बन्दुक छ भन्ने सूचनाको आधारमा ईलाका प्रहरी कार्यालय खरानीटारबाट खटिएको प्रहरीले तलासी गर्दा उनीहरूलाई उक्त भरुवा बन्दुकसहित पक्राउ गरेको जनाएकाे छ । यस सम्बन्धमा प्रहरीले आवश्यक अनुसन्धान गरिरहेको जनाएकाे छ ।
प्रकाशित मिति : २४ असार २०७७, बुधबार १४:२४