एनआईसी एसिया बैंकले पायो ५० प्रतिशत हकप्रद सेयर जारी गर्न स्वीकृति

१८ कात्तिक, काठमाडाैँ । एनआईसी एसिया बैंकले चुक्ता पुँजीको ५० प्रतिशत हकप्रद सेयर बिक्री गर्न नेपाल धितोपत्र बोर्डबाट अनुमति पाएको छ । बैंकले १ः०.५० अनुपातमा प्रति कित्ता १०० रुपैयाँको दरले ७ करोड ४५ लाख ८७ हजार ८३५ कित्ता हकप्रद सेयर बिक्री गर्न अनुमति पाएको हो ।

यसअनुसार बैंकले प्रतिकित्ता १०० रुपैयाँ अंकित दरका कुल ७ करोड ४५ लाख ८७ हजार ८३५ कित्ता हकप्रद शेयर बिक्रीमा ल्याउनेछ। यस निष्कासनमार्फत बैंकले कुल ७ अर्ब ४५ करोड ८७ लाख ८३ हजार ५०० रुपैयाँ बराबरको पूँजी परिचालन गर्ने भएको छ।

बैंकको हकप्रद शेयर निष्कासन तथा बिक्री प्रबन्धकको जिम्मेवारी एनआईएमबी एस क्यापिटल लिमिटेडले पाएको छ।

बोर्डको सञ्चालक समितिबाट निर्णय पारित भई यसबारे औपचारिक पत्र जारी हुने क्रममा रहेको छ। नियामकबाट पत्र प्राप्त भएपछि बैंकले शेयर निष्कासनको मिति, बुक क्लोज तथा आवेदन प्रक्रियाको विस्तृत विवरण सार्वजनिक गर्नेछ। हकप्रद निष्कासनपश्चात् बैंकको पूँजीगत आधार थप मजबुत हुनेछ।