जेरोनाका ७ नयाँ उत्पादन नेपाली बजारमा

११ कात्तिक, काठमाडौं । एक वर्ष अगाडि आफ्ना १० उत्पादनसहित बजार प्रवेश गरेको जेरोना डर्माले थप ७ नयाँ उत्पादन बजारमा ल्याएको छ । जेरोना वेलनेस प्रा.लि.ले आफ्नो छालाको सुरक्षामा ध्यान दिनेहरुका लागि आधुनिक उत्पादन थप गर्दै बजारमा आफ्नो उपस्थिति थप मजबुत बनाएको हो ।

थपिएका उत्पादनहरुमा इड्रा-प्रो मोइस्चराइजिंग क्रिम, ग्लो-सेरम, सनशेड टिएम, एसीएन-सेरम रहेका छन् । यसैगरी कम्पनीले एक्ने-मोइस्चराइजिंग क्रिम, हाइड्रा-टोनर र एक्सफोली फेसवाश पनि उत्पादन सूचीमा थप गरेर बजार पठाउन थालिसकेको छ ।

नेपाली उपभोक्ताहरुको छालाको सुरक्षाका लागि उपयोगी रहँदै आएका जेरोना डर्माका उत्पादनहरु नेपाली बजारमा लोकप्रीय बन्दै गएका छन् । उत्पादन थप गर्दै लैजाने क्रममा कम्पनीले थप नयाँ ७ उत्पादन पनि बजारमा पठाउन थालेको हो ।

जेरोना चर्चित गायन रियालिटी शो ‘द भ्वाइस अफ नेपाल सिजन ८’को ‘स्किन केयर पार्टनर’ पनि हो । नेपाली संगीत क्षेत्रमा योगदान गर्ने उदेश्यले भ्वाइस अफ नेपालको स्किन केयर पार्टनरका रुपमा आवद्ध भएको कम्पनीले जनाएको छ ।