३ अर्बको ऋणपत्र निष्कासन गर्दै राष्ट्रिय वाणिज्य बैंक, धितोपत्र बोर्डबाट पायो अनुमति

४ असोज, काठमाडौं । नेपाल धितोपत्र बोर्डले राष्ट्रिय वाणिज्य बैंकलाई ३ अर्ब रुपैयाँबराबरको ऋणपत्र निष्कासन गर्न अनुमति दिएको छ। धितोपत्र बोर्डले आज राष्ट्रि वाणिज्य बैंकलाई ‘आबीबीएल डिबेन्चर–२०८९’ नामक ऋणपत्र निष्कासन गर्न अनुमति दिएको हो। अब बैंकले १ हजार रुपैयाँ अंकितदर कुल ३० लाख इकाइ ऋणपत्र जारी गर्नेछ।

बैंकले कुल इकाइमध्ये १२ लाख इकाइ सर्वसाधारणलाई जारी गर्नेछ भने बाँकी १८ लाख इकाइ व्यक्तिगत तबरबाट बिक्री गर्नेछ। ७ वर्षे ऋणपत्रमा लगानीकर्ताले वार्षिक ६ प्रतिशत ब्याज पाउनेछन्। यस ऋणपत्रको बिक्री प्रबन्धकमा कुमारी क्यापिटल रहेको छ।