सुनको मूल्यमा उच्च वृद्धि, कति पुग्यो तोलाको ?

२५ भदौ, काठमाडौं । स्थानीय बजारमा आज सुनको मूल्यमा उच्च वृद्धि भएको छ। यस दिन  सुन तोलामा तीन हजार ४०० रुपैयाँले उकालो लागेको हो । नेपाल सुनचाँदी व्यवसायी महासंघका अनुसार बिहीबार सुन प्रतितोला ३ लाख ५ हजार ८०० रुपैयाँ कायम भएको छ। बुधबार सुन प्रतितोला ३ लाख २ हजार ४०० रुपैयाँमा कारोबार भएको थियो ।

 यसैगरी, आज चाँदीको मूल्य पनि बढेको छ। आज चाँदी तोलामा १०५ रुपैयाँले बढेर प्रतितोला ४ हजार ८५५ रुपैयाँ पुगेको छ। बुधबार चाँदी प्रतितोला ४ हजार ७५० रुपैयाँमा कारोबार भएको थियो ।