सुनको मूल्य बढ्यो, आज कतिमा हुँदैछ किनबेच ?

१२ असार, काठमाडाैं । नेपाली बजारमा आज सुनको मूल्य बढेको छ भने चाँदी घटेको छ। बिहीबार तोलामा पाँच हजार दुई सय रूपैयाँले घटेको सुनको मूल्य यसदिन प्रतितोला आठ सय रूपैयाँ बढेको हो।

नेपाल सुनचाँदी व्यवसायी महासंघका अनुसार आज सुन प्रतितोला दुई लाख ७९ हजार एक सय रूपैयाँमा किनबेच भइरहेको छ। बिहीबार सुन प्रतितोला दुई लाख ७८ हजार तीन सय रूपैयाँमा कारोबार भएको थियो।

यस्तै, शुक्रबार चाँदीको मूल्य भने घटेको छ। चाँदी ५५ रुपैयाँले सस्तिदै प्रतितोला ४ हजार १८० रुपैयाँमा झरेको छ ।