सालपा विकास बैंकको लक इन अवधि असार २४ गते समाप्त हुँदै

४ जेठ, काठमाडौं। सालपा विकास बैंक लिमिटेडको लक इन अवधि असार २४ गतेपश्चात समाप्त हुने भएको छ । बैंकले प्रकाशित गरेको सूचनाअनुसार सामूहिक लगानी कोषका लागि सुरक्षित राखिएको ५८ हजार ११४ कित्ता सेयरको लक–इन अवधि २०८३ असार २४ गतेपछि समाप्त हुनेछ।

नेपाल धितोपत्र बोर्डको निर्देशनअनुसार सर्वसाधारणमा सेयर बाँडफाँड भएको मितिले छ महिनासम्म लक–इनमा राख्नुपर्ने व्यवस्था रहेकाले सो अवधि पूरा हुन लागेको बैंकले जनाएको छ। उक्त आईपीओ बाँडफाँड भएको ६ महिना पुरा हुन लागेकाले सामुहिक लगानी कोषका लागि छुट्टाइएको सेयरको लक इन अवधि सकिन लागेको हो ।