ह्वाट्सएप ह्याक बढ्दो जोखिमः यस्ता छन् ठगीबाट बच्न प्रहरीका सुझाव

५ चैत, काठमाडौं । पछिल्लो समय नेपालमा ह्वाट्सएप (WhatsApp) ह्याक गरी पैसा माग्ने र ठगी गर्ने घटना बढ्दै गएपछि नेपाल प्रहरीको साइबर ब्युरोले नागरिकलाई सचेत गराएको छ ।

ह्वाट्सएप ह्याक हुने तथा अनधिकृत पहुँचका घटनाहरू बढ्दै गएको भन्दै नेपाल प्रहरीको साइबर ब्यूरोले सर्वसाधारणलाई उच्च सतर्कता अपनाउन अनुरोध गरेको छ ।

ह्याकरहरूले विभिन्न व्यक्तिको ह्वाट्सएप अकाउन्ट नियन्त्रणमा लिएर निजका साथीभाइ तथा आफन्तलाई म्यासेज पठाउने गरेका छन् । आफू समस्या/अप्ठ्यारोमा परेको भन्दै पैसा माग्ने । बैंकिङ एपमा समस्या आएको भन्दै क्यूआर कोड पठाएर ठगी भइरहेको ब्युरोले जनाएकाे छ ।

साइबर ब्यूरोले जारी गरेको सूचनामा ह्वाट्सएपमा कसैले पैसा मागे तुरुन्त विश्वास नगर्न र सम्बन्धित व्यक्तिलाई प्रत्यक्ष फोन गरेर मात्र यकिन गर्न, आफ्नो ह्वाट्सएप सुरक्षाका लागि Two-Step Verification राख्ने, ओटीपी कसैलाई सेयर नगर्ने, शंकास्पद लिंकमा क्लिक नगर्ने साथै अपरिचितबाट आएका लिंक र फाइल नखोल्ने/डाउनलोग नगर्न भनिएकाे छ ।