दैनिकीको कार्यकारी सम्पादक मुडभरी पत्रकार महासंघको केन्द्रीय सदस्यमा विजयी

१ पुस, काठमाडौँ । दैनिकी डटकमको कार्यकारी सम्पादक पवित्रा मुडभरी नेपाल पत्रकार महासंघको केन्द्रीय सदस्यमा विजयी हुनुभएको छ ।

आइतबार राति सार्वजनिक मतपरिणाम अनुसार मुडभरी २०९ मतसहित केन्द्रीय सदस्यमा विजयी हुनुभएको हो । एशोसियट प्रदेशबाट मनुका कुँवर पनि ३०१ मतसहित विजयी हुनुभएको छ ।

एसोशियट प्रदेशमा केन्द्रीय सदस्यमा विजयी मुडभरी अध्यक्षमा विजयी निर्मला शर्माको प्यानलबाट र कुँवर रमेश विष्टको प्यानलबाट केन्द्रीय सदस्यमा विजयी हुनुभयो ।

प्रेस चौतारीको नेतृत्वमा शर्माको प्यानल बनेको थियो भने प्रेस सेन्टरको नेतृत्वमा विष्टको प्यानल बनेको थियो । एशोसियट प्रदेशमा तीन पदमा भएको निर्वाचनमा पनि शर्मा र विष्ट प्यानलका एक एक जना विजयी हुनुभएको छ भने एक जना स्वतन्त्र उम्मेदवार विजयी हुनुभएको छ ।

विष्ट प्यानलबाट प्रदेश अध्यक्षमा रोयल आचार्य विजयी हुनुभएको छ भने महासचिवमा शर्मा प्यानलबाट अशेष अधिकारी विजयी हुनुभएको छ । स्वतन्त्र उम्मेदवारी दिएर पुष्पा थपलिया उपाध्यक्षमा विजयी हुनुभएको छ । बाँकी पदमा भने निर्विरोध भएको थियो ।