फेरि बढ्न थाल्यो सुनको भाउ, तीन दिनमै साढे ४ हजार महँगियो
२६ मंसिर, काठमाडौँ । साताको पाँचौ कारोबारको दिन बुधबार पनि नेपाली बजारमा सुनको मूल्य बढेको छ ।
नेपाल सुनचाँदी व्यवसायी महासङ्घका अनुसार बुधबार सुन तोलामा २ हजार रूपैयाँले बढेर प्रतितोला १ लाख ५४ हजार २ सय कायम भएको हो ।
त्यस्तै, बुधबार चाँदीको मूल्य भने स्थिर रहेको छ । मङ्गलवार तोलामा १ हजार ९२५ रुपैयाँमा कारोबार भएकोमा बुधबार पनि सोही मूल्य तय भएको हो ।
प्रकाशित मिति : २६ मंसिर २०८१, बुधबार ११:०७
