द ब्रिटिस कलेजमा करियर फेस्ट–२०२४ हुँदै
२९ कार्तिक, काठमाडौँ । ब्रिटिस एजुकेशन ग्रुप अन्तर्गतको द ब्रिटिस कलेजमा करियर फेस्ट–२०२४ हुँदैछ । उक्त करियर फेस्ट नोभेम्बर २५ र २६ मा थापाथलीस्थित कलेज हातामा ग्रोथ सेलर्सको सहकार्यमा आयोजना हुन लागेको हो।
फेस्टमा देशभरका रोजगारदाता कम्पनी र रोजगारी खोजिरहेका व्यक्तिहरू सहभागी हुनेछन्।
द ब्रिटिस कलेजका अध्ययनरत विद्यार्थीमात्रै नभई सर्वसाधरण र शीर्ष कम्पनीहरूलाई एउटै स्थानमा राखि रोजगारीको अवसर प्रदान गर्ने, नेटवर्किङ बढाउने र ज्ञान आदान–प्रदान गर्ने गतिशील मञ्चको रूपमा सेवा पुर्याउने उदेश्यले यो कार्यक्रम आयोजना हुन लागेको हो ।
फेस्टमा सहभागी हुने रोजगारदाता कम्पनीहरूले सो संस्थाको विभिन्न पक्षहरूको बारेमा जानकारी प्रदान गर्नेछन्। साथै कम्पनीहरूले प्रत्यक्ष अन्तरर्वार्ता लिई रोजगारीको अवसर समेत प्रदान गर्नेछन् ।
एउटै मञ्चबाट दुवै पक्षले फाइदा लिन सक्ने फेस्ट सरल र प्रभावकारी माध्यम भएको कलेजले जनाएको छ ।
प्रकाशित मिति : २९ कार्तिक २०८१, बिहीबार १६:४४
